Primary Reader Series (Gujarati Books Set)

પ્રારંભિક વાંચન અને પુસ્તકો સાથે (શાળા કે ઘર વાટે) ઘરોબો કેળવાયો હોય ત્યારબાદ સ્વતંત્ર વાંચન માટે બાળકો તૈયાર અને તત્પર હોય છે. આ સમયે ઉપલબ્ધ પુસ્તકોમાં વાક્યો થોડા લાંબા હોય, વાર્તા કે ચિત્રોમાં કહેવાતી વાત થોડી જટિલ, જરા તીરછી હોય.
ભાષાગત અભિવ્યક્તિનો પાયો કેળવવા અને વાર્તાની મનુષ્ય-સહજ ભૂખ સંતોષવા પુસ્તકો વિપુલ માત્રામાં અને હાથવગા હોવા જોઈએ. 'વાંચવાની મજા' અંતર્ગત શ્રેણી 2, પ્રારંભિક વાચન માટે બનેલી પ્રથમ શ્રેણી બાદનું પગથિયું છે. આ સેટમાં સરળથી જટિલ તરફ જતી 13 ચિત્રવાર્તાઓ છે જે તબક્કાવાર સ્વતંત્ર વાંચન તરફ આગળ વધે છે.