The Laughing Onion (Mising)

Do:ying kídídém kapila moimang bíglígdan?

Édé anu kinnamdém anka:nam légangé pola du:né odokké anupé poyirsuné ko:kang kídídém aipé do:yingém lagidak. Kérang kétaglok kinnam atí-atí agomlok do:ying kídídé anu ngasodém dakkan sudung odokké anu taunam lok lédulo mimagém mola dung. Do:ying kídído atí-atí gompir odokké gomyaré lutentíla du:pé lagidak odokké anu o:kaiko du:tépé lagidak.

Moimang do:ying kidídé ko:kang kídídém ponané aang ko bidak. Moimang do:ying potin kídído bojeko moimang du:pé lagidak. Odok buluk kange:la mé:pola odokké so:man nané lamtéko la:lendak. Appíng tamténgdok léngkannam moimang agom kídído ako manggom anyi gomyarko du:pé lagidak. Édémpiné gomyar kídídém porila moimang dok lukéng kídídém kindak.

Ainé moimalok do:ying kidídé ko:kang kídídok lédulo asin bo aipé du:yardak.